違泊嚴重礙巴士上落客
巴士站違泊情況日益嚴重，就連巴士靠站上、落客亦受影響。上水馬會道近符興街巴士站一帶食肆林立，午膳時間常有車輛在巴士站違泊。李先生不滿違泊車輛令巴士無法埋站，阻礙交通暢順，「啲人泊咗架車喺巴士站就走去食飯，搞到巴士要停喺路中心上、落客，後面啲車咪過唔到囉！」
市民不滿檢控力度不足
警方發言人表示，過去十二個月，曾接獲八十多宗涉及上水馬會道近符興街巴士站的交通投訴，並發出一百四十多張定額罰款通知書。警方會繼續留意上址情況及向違例車輛採取適當的執法行動。
「雖然有檢控，但情況就冇改善，咁即係做得唔夠，警方真係要大力啲打擊喺巴士站違泊嘅問題！」李先生指違泊情況依然嚴重，為確保道路暢通及安全，要求警方加強巡邏及打擊違泊行為。