「食糧」唔夠 遷移鄰舍搵食
【本報訊】「噴殺蟲劑只係治標，一定唔可能杜絕木蝨！」香港殺蟲業協會公關主任蔡炳然表示木蝨傳播力高，甚至會依附到垃圾上，途人經過有關單位亦可能「惹到」，「當啲木蝨數量多，但得一個老人家嘅血可以吸，佢哋會覺得糧食唔夠，就會遷移去其他單位搵食。」
須落藥徹底清潔全屋
木蝨原名臭蟲，無翅膀，以吸食溫血動物血液維生，主要晚間活動，日間會匿藏於縫隙或黑暗地方，如床墊摺疊縫合處、床架縫隙、椅子及沙發軟座，甚至牆紙背面及照明裝置亦有機會發現其蹤影。
蔡炳然說，倘要徹底解決蝨患，需先於單位滅蟲，安排租戶遷離單位，並將傢俬及包裝好的衣物分次丟棄，然後再徹底清潔全屋，及「落藥」至每個「窿窿罅罅」。蔡認為上述工序經濟代價看似不菲，但木蝨倘蔓延至整個屋苑，所花的代價將會更大。