廣深港高鐵香港段工程延誤風波繼續發酵，港府被指與港鐵合謀隱瞞高鐵延誤，觸發政府誠信危機。不過，運輸及房屋局局長張炳良尋日開記者會繼續死撐並冇合謀，只係同港鐵就工程進度存在分歧及預計有落差，形容港鐵係「樂觀派」，港府則係「保守派」，政府相信港鐵可如期竣工，所以「疑中留情」，並非知情不報喎。張炳良繼上月對高鐵工程延誤感到「非常驚訝」後，尋日解釋時又搬出「樂觀情景」、「保守情景」，好似做戲咁款，唔知幾時上演「落台情景」呢？
