中環出更：青聯獅城行啟發創業青年

當晚出席分享會的有青聯常董賴偉星（Wilson）、會董李卓卓、會員葉家鳳及知名設計師丘雪祺等人，佢哋亦都係今次青聯舉辦第三屆企業管理領袖班的團員。Wilson話，今次去到新加坡國立大學商學院及李光耀公共政策學院學習交流，進一步了解當地的人口及房屋政策，有好大得着，亦見到新加坡有好多可取之處。

探討家族企業傳承

中國人經常話富不過三代，所以探討家族企業傳承已成為各間大學的重要課題，今次交流團亦去學習如何用現代化管理家族企業。佢哋仲去參觀一間喺香港開設好多分店的新派麵包店，見識注入創新及活力的創業故事。有份分享的成員Victor話，此行感受到新加坡好活力及創新精神。

青聯交流團考察新加坡期間曾參觀一間新派麵包店。（受訪者提供）	李卓卓（左）及深圳青聯成員黃文稀（右）都話考察獅城獲益多。	葉家鳳（左）及丘雪祺（右）現身分享會。

今次分享會中，深圳及其他省市青聯成員都有專程來港赴會，大家傾到唔捨得走。現場仲有一班後生的本地創業家，佢哋係參加伴你啟航計劃的得獎者，憑着具創意嘅生意頭腦獲撥予資金創業，項目包括自動點餐系統、餐廳排隊應用程式及網上集資平台等。Monin話，由於分享會主要分享企業管理心得，所以特登邀請佢哋參加，相信對呢班年輕人會有啟發。

卓妮