胡先生早前與妻子擬轉換流動電話服務供應商，在one2free門市向職員查詢。席間職員要求胡太出示身份證以查閱合約到期日，未料胡太旋即接獲短訊，指其網上系統密碼已即時更改，「我哋原本都覺得奇怪，我哋都唔係佢哋嘅客戶，點解個職員可以查到個到期日，原來佢係用我太太嘅身份證資料登入人哋間公司嘅網上系統去查。」
one2free發言人表示，根據調查，職員當時已向有關人士解釋，並取得同意後才透過網上系統查閱所需資料，而事後並未有保留任何資料，又重申重視員工遵守個人私隱政策。
胡先生直指，對於該電訊商的回應毫無誠意，更加有推卸責任之嫌，「佢只係同我哋講上網查，但係無解釋點樣上網查，我點知佢喺個系統入面會唔會亂咁改嘢？」
對此，胡先生要求one2free必須就事件檢討，並對職員的操守與行為作出監督。