政情：濕地親子樂 英偉晒幸福

民政事務局政治助理徐英偉（Caspar）趁尋日復活節假期，同太太及兩個囝囝去咗濕地公園享受家庭樂，仲好罕有咁將一家四口嘅合照，放上社交網站同大家分享。Caspar自爆，由於工作太忙，對上一次家庭日已經係去年年底，今次家人提出想參加本地遊，適逢濕地公園尋日有復活節活動，於是就一家四口去玩足全日。尋日天氣和暖，間中更烈日當空，Caspar一家早就做足防曬同防蚊措施，佢仲特登揀咗對鮮黃色嘅波鞋着，襯番兩個囝囝件黃色衫，真係睇見都幸福。