曦曦康復路漫長 母心力交瘁
「曦曦十三個月大去母嬰健康院做智力測試，比同齡小朋友做到更多題目，佢本身係一個精靈BB，一早已識叫媽媽，又識叫隔籬的街坊做伯伯‥‥‥」原本已育有一名四歲女兒的曦曦母親阿儀，丈夫長時間在內地工作，照顧兒女的重擔落在她和其母親身上，意外發生後，她心力交瘁，頓感無助，「為照顧曦曦，辭咗份工。平日有兩日一夜喺醫院睇住曦曦，再返屋企瞓一晚幫個女睇吓功課，個女都問我，點解媽咪成日話去照顧細佬，但又唔見細佬返嚟，話好掛住佢。我好攰，寧願有事嘅係我。」
瑪麗圖卸責 促醫局交代
一直協助阿儀跟進事件的民協社區主任李炯指，對於瑪麗醫院拒絕承認責任感到憤慨，準備去信及約見醫管局，促局方盡快調查事件，並公開交代詳情，向家屬作出合理賠償。他指，阿儀一家現時居住在沒有電梯的深水埗唐樓，曦曦一旦失去活動能力，日常出入將十分不便，希望房署能安排曦曦一家盡快上樓。
