探射燈：「定格」影相 女星肩頸膊痛
女星為影靚相，側頭搵命博，有藝人曾因「側頭定格」拍八小時廣告，搞到肩頸膊痛；亦有女星因劉海過長遮擋視線，而長時間擰側頸部。
藝人雨僑表示，近年出席活動時經常要以側頭髮型示人，因為「易處理和易襯」，而且可以顯得格外上鏡，惟她亦承認配搭誇張頸鏈時曾感到頸部肌肉痠軟。「我最記得有次拍面膜廣告又係set咁嘅頭，keep住要影我放頭髮嘅另一邊面，足足定咗八個鐘，之後要即刻做番頸部運動。」她續稱，會定期進行肩頸按摩，紓緩側頭帶來的頸椎壓力。
「因為劉海太長，成日遮住視線，要擰埋一邊先睇到嘢，間唔中條頸都好梗！」藝人周秀娜亦表示，側頭髮型給予她成熟韻味，故此十分喜歡，不過只會在工作所需時才會梳，平日會以中間界為主。另外，周指會找按摩師和做拉筋運動，以紓緩頸部壓力。