石塘咀街市電梯一季壞33次
自動扶手電梯故障頻仍，街市商戶與市民皆叫苦連天！西營盤石塘咀街市自動扶手電梯三個月內竟發生最少卅三次故障，不少市民轉往超級市場購物，令街市商戶生意額大跌七成。區議員直指食環署身為業主，卻將責任推卸予機電工程署，做法極不可取。
「師傅走咗半個鐘又壞」
「二月壞得好密，試過連續三日都係朝早八點開始壞，到十一點先有人嚟整，朝早最旺嗰陣就冇得做生意！」石塘咀街市租戶黃先生表示，由去年十二月開始，扶手電梯故障頻密，雖多次聯同其他商戶向食環署反映卻不果，「記得最旺嘅年卅晚，啱啱整完又壞；試過師傅走咗半個鐘又再壞過，已經投訴過好多次，點知食環署完全唔理！」
黃先生指西營盤人口老化，顧客多為長者，每逢扶手電梯故障，長者不擬「撐樓梯」而改而前往光顧附近超市及菜檔，令生意額大跌近七成，「老人家好多時買餸都拖住架車仔，冇扶手電梯就唔會行上嚟，部升降機又喺角落，叫食環署放個牌喺度教人搭升降機，但咁簡單嘅事佢哋都唔肯做。」
機電工程署發言人證實，去年十二月至今年二月，涉事自動扶手電梯共發生三十三次故障，當中七宗涉及機件故障，其餘則由於外物撞擊等外來因素所致，需停止服務超過三天的個案共有兩宗。發言人補充，已就近日扶手電梯故障作出調查，並將進行大型維修工程，有關工程將於年中展開，預計兩個月內可完成，亦會聯同食環署考慮全面更換扶手電梯，以長遠解決問題。
食環署稱機電署責任
食物環境衞生署發言人則說，去年一月至今共接獲四宗相關投訴。發言人指，有關扶手電梯由機電署負責，該署主要負責監管街市管理服務承辦商工作成效。
記者實地了解期間適逢扶手電梯故障，發現長者上樓梯時需以扶手借力，手持「一袋二袋」顯得極為不便。而扶手電梯旁雖有壞電梯告示，卻未見有指示市民乘坐升降機的告示。
「食環署應該保障租戶利益，唔可能咩都推晒畀機電署！」中西區議會食物環境衞生及工務委員會委員陳學鋒指出，外來撞擊等因素可藉職員監察而避免，要求食環署改善管理。
記者呂耀焜