立法會將會喺本月中審議撥款條例草案，人民力量及社民連預告會提出幾百項修訂，變相「拉布」阻預算案通過。社民連梁國雄（長毛）話，今年拉布目的同往年一樣，都係想逼政府推行全民退休保障，又話台灣學生以違法方式佔領立法院反對服貿，佢哋就用「拉布」合法佔領立法會時間喎。對於其他泛民主派唔支持「拉布」行為，長毛就反駁話，既然泛民支持台灣學生反服貿，就應該支持佢哋拉布喎！
雖然長毛係合法「拉布」，但正如建制派議員所講，「拉布」浪費好多公帑，啲錢咪又係來自納稅人！
