領匯設「陷阱」鎖車罰款

傷殘車位標誌模糊，車主慘遭鎖車兼罰款。陳先生早前將車輛停泊於元州邨元康樓停車場內，三小時後返回取車，發現車輛被鎖，經向管理員查詢後始獲悉車位為傷殘人士泊位，大感訝異，「唔係管理員講都睇唔到嗰個係傷殘車位，個標誌得番啲反光白色油，傷殘人士個標誌好似被人剷走咗咁，覺得自己被罰得好無辜！」陳要求領匯翻新有關標誌，以免其他車主誤墮陷阱。