全體立法會議員本月訪問上海之行，泛民主派一直條件多多，「扭扭擰擰」未決定係咪參加。直到尋日，民協馮檢基（阿基）決定提早跳完草裙舞，表態話會隨團去上海，隨即引來另外五名溫和泛民主派議員跟風決定訪滬。不過，阿基下午聲稱話去上海，但卻言行不一，一來無趕及截止報名期前報名，二來又聲稱會同其他泛民議員再商量係咪訪滬喎。莫非阿基喺「又傾又砌」嘅思想下，內心深處仍然心癢難耐想跳多陣草裙舞先至安樂？
