浣紗街食肆霸道 過路要側身

「啲餐廳由朝到晚都霸住條路做生意,次次行過都搞到塞晒車,要左穿右插先至過到。」大坑居民陳先生指浣紗街一帶的食肆經常佔據行人路營業,令途人寸步難行,曾向相關部門投訴,惜情況未見改善,「投訴咗成年,到依家都仲係要側身行!」

食署2年接73宗投訴

食物環境衞生署發言人證實,近兩年就有關食肆非法擴展營業範圍共接獲七十三宗投訴,並就此作出二十宗檢控,接獲本報轉介後亦有派員巡查,亦已檢控涉事店舖。

「一年到晚都係咁樣霸住條街,有咩可能淨係得嗰廿宗檢控?明知嗰度係黑點,食環署就好應該睇緊啲!」陳先生直接問題已持續多年,要求食環署作針對性巡查,嚴加打擊阻街食肆,以收阻嚇作用,確保行人路暢通無阻。

第一手消息請下載on.cc東網iPhone/iPad/Android/Windows Phone Apps