政情:公民講場:中央讓步 「成」全泛民?

四月中全體立法會議員上海之行,泛民諸多要求,又話一定要有中央負責政改官員同佢哋獨立見面,又話要錄音同錄影。正當泛民以為中央唔係咁順攤時,今次中央又變得好好人,似乎咩要求都應承。尋日立法會主席曾鈺成就話,未聽到中央官員對獨立會面有咩意見,換言之好可能中央都願意同泛民單獨見面。中央官員行蹤向來神神秘秘,如果中央真係讓步,唔知泛民呢次仲可以有咩無理要求呢?