政情：新濠天地新酒店大樓「曝光」

由名建築師設計

負責操刀設計嘅係被譽為建築界「曲線女王」Zaha Hadid，新濠博亞娛樂聯席主席兼行政總裁何猷龍話，今年適逢新濠天地成立五周年，公司一向重視創意文化，致力為旅客提供多元獨特娛樂體驗，相信新酒店落成後將成為路氹城及澳門嘅新地標。

Zaha Hadid在本港嘅第一個設計作品「理工大學賽馬會創新樓」上周啱啱開幕，佢擅長玩線條，新濠天地全新酒店大樓嘅外觀亦別樹一格，Zaha Hadid以嶄新工學打造出具凝聚力嘅戲劇性公共空間及寬敞客房，創造出有趣嘅雕塑形態。

該酒店樓高四十層，總樓面面積約十五萬平方米，設有七百八十間客房、套房及別墅，配套設施超越五星級標準。新酒店建築工程已於去年展開，預計二○一七年初開幕。