內地「護法」北京大學法學院教授饒戈平尋日喺香港出席一個《基本法》研討會時，就近期嘅特首普選提名爭議「一錘定音」，強調不論係學民思潮提出嘅「公民提名」方案、民主黨提倡嘅「政黨提名」方案、以至同佢一樣係基本法委員會委員嘅陳弘毅構思嘅「公民推薦」方案，都喺某程度上架空咗提名委員會嘅專屬提名權，全部都唔符合《基本法》同人大常委會相關決定。饒戈平一錘就扑冧晒「三違反」方案，仲堅過漫畫同電影中嘅「雷神」！
