政情:今日你上鏡:訪美豪食 莫乃光脹卜卜

北京舉行兩會期間,資訊科技界立法會議員莫乃光(Charles)就飛去咗去美國出席兩場研討會,之後又去咗麻省探定居當地嘅細佬及一個冇見成廿年嘅老朋友。難得放大假,Charles即時豪放起來,餐餐大飲大食不特止,仲要去到邊都揸住架車代步缺少運動,搞到脹咗幾個碼。佢話依家除咗塊面變得脹卜卜之外,一坐低仲會凸咗成個肚腩出來,嚇到佢每次坐低就要縮埋個肚。其實佢今次行程唔只食得多,連來回機票錢都有非牟利機構贊助,又食又拎,難怪肥晒返港喇!

第一手消息請下載on.cc東網iPhone/iPad/Android/Windows Phone Apps