政情：張耀堂自爆打壁球輸畀o靚仔

Sunny卸任在即，問佢繼任人應具備咩條件，佢就簡單講咗「叻人」兩個字，咁佢係咪曲線讚緊自己都係「叻人」呢？

Sunny一向熱愛運動，佢尋日同傳媒敍會時就自爆「瘀事」，話說早前同一個十二歲男仔打壁球，眼見對方只係「o靚仔」就輕敵，結果連輸三盤，當時對方寸佢：「Uncle，畀你抖多廿分鐘再打過」。

Sunny話個男仔一向有參加公開賽，係相關壁球代表隊成員，唔怪得咁厲害。