財政司司長曾俊華（鬍鬚曾）尋日發表咗一篇講香港經濟發展限制同優勢嘅網誌，其中就提到新加坡嘅發展增長係四小龍入面最突出嘅一個，而佢哋喺過去十年，就大量輸入唔同層次嘅人才，依家有超過一百二十萬外來勞工，佔工作人口逾三分之一，土地亦因大量填海工程增加咗三十平方公里。鬍鬚曾又話，新加坡嘅增長模式，相信港人未必接受，政府唔可以成套咁般嚟香港，但相信大家都留意到香港正面對缺人缺地嘅困難，長遠會窒礙經濟發展喎。鬍鬚曾咁講，莫非亦支持當局開綠燈，輸入外勞？
