政制及內地事務局局長譚志源喺過年前去維園年宵市場向市民派發政改揮春，但就慘被示威者狙擊，社民連成員黃浩銘更加成功突襲向佢送上寫有「公民提名」嘅揮春，當時有官員話會將揮春當為市民喺諮詢期內表達嘅意見。
開頭大家以為當局只係講吓就算，點知黃浩銘早兩日喺社交網站上載一封由當局發出嘅公函（圖），信中話當局已經收到佢送出嘅揮春，日後會將揮春上嘅意見刊載，仲感謝佢為本港政制發展提供意見添。譚志源做到咁，黃浩銘都冇嘢好挑剔，惟有大讚譚志源係一個相當有趣嘅人。
（互聯網）
