【本報訊】「嘭一聲好似爆炸咁，我成個人『扎』醒咗！」海灣花園一座住客梁太憶述事件時猶有餘悸！上周日凌晨約一時許，梁太突聞震耳欲聾的巨響，她從睡夢驚醒，由家中大門的防盜眼望出走廊，見到有同層住客亦被驚動，走出屋外四處張望，「擾攘咗一輪，後來先知係升降機發生事故。」有住客形容，當時巨響伴隨震動，猶如石油氣爆炸。不過，住客對升降機撞爆升降機槽頂事發經過仍被蒙在鼓裏，稱管理處只解釋升降機維修時發生意外，未有說明詳情。
住客張先生亦稱，當日凌晨時分他突然聽到「嘭」一聲巨響、腳底感到震動，「我仲以為係樓下石油氣爆炸！不過之後聽唔到火警鐘響，又無消防車嚟。」
他翌日向管理處查詢，對方只是說「架升降機維修時撞到啲嘢」，強調「架升降機唔係由高空跌落嚟」，又指另外兩部升降機經在檢查後運作正常。
有住客擔心，另外兩部仍然運作的升降機會否也有危險，住客梁先生表示，「驚！都唔知架升降機咩事，管理處又無詳細解釋！」
有住客透露，涉事樓宇已有約三十年樓齡，「架升降機老化都唔出奇」，認為業主立案法團應盡快開會，由業主決定是否需要集資，將大廈一共三部升降機更換。