揀特首比喻作揀老公
佢之後又話，六七暴動時，好彩有英軍介入，否則單靠香港警察一定頂唔住。咁講莫非想話香港發生佔中嘅時候，要搵解放軍幫手？佢喺呢個時候火上加油，係咪想幫政府倒米先？
周融尋日出席民建聯南區支部嘅政改座談會時，有與會者提到佔中會好和平時，佢就反駁話，做人唔可以咁天真，因為世上好多嘢都係控制唔到，假設佔中發生，啲警察去晒中環，咁旺角發生劫案咁點算喎。之後，又有一位讀緊大學嘅女同學問到如果普選特首冇一啲港人屬意嘅人選，咁點算？周融就話，好似揀老公咁，如果覺得三個都唔好，咁咪唔好揀囉，女仔都可以唔嫁啫。如果佢想鼓勵市民唔鍾意就唔投票，咁係咪連普選都唔應該搞呢？