租置屋邨鼠患 房署懶理

「向住垃圾房嗰邊零舍污糟,地下又多污漬,仲周不時見到有老鼠喺度搵食,諗起都毛管戙!」麥小姐家住太和邨福和樓,近日發現垃圾房附近時有鼠蹤,多次被嚇至花容失色,亦擔心鼠患會帶來衞生及疾病。麥坦言現時回家會繞道至另一通道出入,但仍要求房署正視。

房屋署發言人以屋邨已出售為由,着記者自行向管理公司查詢。太和邨管業處發言人則說,接獲投訴後隨即巡視福和樓地下垃圾房,並未發現有老鼠出沒,但已即時督導清潔承辦商加強防鼠措施,並於垃圾房及外圍進行大型滅鼠與清潔工作。

麥小姐證實,經向本報投訴後,上址衞生情況已有改善,但坦言不滿房署以屋邨已售為由,對問題撒手不管,「依家係講緊成條邨嘅衞生問題,話就話係租置邨,但房署都有租戶住喺度,作為業主點解可以唔理?」

第一手消息請下載on.cc東網iPhone/iPad/Android/Windows Phone Apps