長者受惠「笑到停唔到口」
【本報訊】「好開心呀！最鍾意食海參柚皮，海參代表心想事成，柚皮就即係樣樣都有，大家都皆大歡喜！」八十歲的黃玉球與丈夫錢永新為今次送暖活動受惠人之一，同時獲邀出席昨日舉行的千歲宴，對於今年能提早與一班老友記團年感到特別興奮，黃婆婆更直言「笑到停唔到口」。黃婆婆獲贈福袋後大讚禮物豐富實用，更指一物二用的咕o臣被最合心意，令今個冬日變得「暖笠笠」。黃婆婆感謝善長對基層長者的關愛，希望活動繼續延續下去，令更多老人家受惠。
感謝善長厚愛
六十四歲的蘇明原來當了二十六年巴士司機，現已退休享清福，與患有聽障的妻子經常有影皆雙，「有千歲宴咁開心嘅活動，一定要帶埋老婆，仲可以提早同班老友記一齊團年。」蘇伯直言期待千歲宴已久，大讚菜式矜貴豐富，更有妻子最愛的蒸魚，「真係未試過黑松露，仲有呢個炒帶子，一定要試真啲！」夫婦二人感謝善長們的厚愛，又提早恭祝大家新年快樂。
至於現年六十五歲的鍾伯已有三個孫兒，閒時除弄孫為樂外，最愛便是做義工，探望其他獨居的「老友記」，「其實有冇禮物都好，只要有人探佢（長者），等佢哋感受到有人關心已經好足夠！」今次由助人者變成為受助者，鍾伯亦不忘感謝各位善長，「好多謝咁多位善長支持，平時都好少機會可以有咁多老友記一齊食飯，今日真係好熱鬧！」