反對佔領中環行動嘅團體「幫港出聲」，頻頻喺報章賣廣告宣傳反佔中理念，相信都使咗唔少錢。尋日佢哋就宣布新一輪嘅揼心口行動，包括賀歲電影首映專場籌款、高爾夫球籌款賽及名人籌款飯局等等，佢哋話目標係籌得六百萬元。
「幫港出聲」本月廿八日喺尖沙咀一間戲院舉行電影首映籌款專場，呢場首映主要嘅贊助人包括立法會前議員黃宜弘嘅太太梁鳳儀。「幫港出聲」召集人馮家彬話，預計首映可籌到八十萬元。
而連串活動籌得嘅款項就會用作聘請國際知名專家去研究佔中對香港嘅影響同舉辦研討會等活動。