領匯霸道 逼人行商場

疑為展銷攤位谷生意

陳小姐每日上、下班均會取道啟田商場前往乘搭港鐵，發現商場一樓平台雖有戶外通道通往藍田站，惟通道玻璃門長期以鐵鏈上鎖，鮮有開放予公眾使用。陳指通道被封後，居民被迫經商場室內通道進出，由於室內通道常有展銷攤位，繁忙時間水洩不通。「一到返工放工時間就好多人行，（室內通道）咁窄真係好唔方便！既然外面有條通道，點解唔開放畀人用？係咪想逼人行攤位谷生意？」

觀塘區議員姚柏良指出，過去一年幾乎未見室外通道開放，不少居民已怨聲四起。姚指啟田商場既是購物點，亦為德田邨與平田邨居民前往藍田站的主要通道，認為領匯應從便民角度出發，考慮長期開放戶外通道，還居民選擇權，「其實領匯壟斷晒藍田咁多屋邨商場，唔使吓吓賺到盡要逼人行攤檔，而且室內搞到咁逼都阻住做生意，領匯真係要好好檢討，快啲畀番條路居民行！」

啟田商場一樓經常有展銷攤位，人流暢旺。

藍田居民常取道啟田商場前往港鐵藍田站。

被指剝奪市民選擇權

「領匯咁做好明顯就係逼人入商場行攤檔啦，雖然係私人地方，但公眾使用通道應要開放畀人用，如果公契寫明嗰度係公眾使用通道，領匯就可能違反公契！」領匯監察發言人陳寶瑩指，過去不時聽聞領匯佔用公眾使用通道以闢舖位，但長期封閉通道卻不常見，「一般市民好難查公契嘅資料，選擇權畀人剝奪咗，但係又冇辦法了解件事，所以真係冇佢符！」

街坊心聲 林小姐：「商場入面啲攤檔搞到好逼，梗係想開（戶外通道）啦！」

周女士：「咁耐都未行過條（戶外）通道，入面做生意阻住，開番方便好多！」

領匯發言人表示，啟田商場不時於場內添置節日裝飾及展銷攤位，期間有關地點必會保留足夠空間用作通道；至於商場側的戶外非緊急通道亦會按需要開放，場內有其他通道及出口方便市民進出，惟發言人未有就涉事通道長期上鎖作合理解釋。

記者：陳倩儀、林永發