政情：朱牧七十大壽　讚東網報道快

今個月七十大壽嘅「佔領中環」行動發起人之一朱耀明牧師（朱牧），獲學者戴耀廷（Benny）、陳健民連同香港民主發展網絡十幾個學者斥資十幾萬元，喺沙田一間酒店筵開二十六席，由朱牧拍板廣邀教會好友、民主路上嘅同路人及親戚等食餐好嘅，開支由學者全數包底。朱牧對老友嘅一番心意，除咗感恩，都係感恩。

尋晚嘅壽宴，各來賓均獲邀在簽名冊上寫上鍾意壽星公嘅七十個理由，陳健民鍾意朱牧「激情、有型」，前立法會議員陳淑莊就「最鍾意朱牧師嗌咪」喎。

朱牧嘅壽宴開始入席短短二十分鐘，「on.cc東網」已經即時上載報道，連平日甚少接觸科技嘅朱牧，都即刻戴番副老花眼鏡，用手機瀏覽「on.cc東網」，仲大讚報道認真夠晒快，資料清楚。陳健民亦讚揚「on.cc東網」報道非常「即時」，有多啲同類新聞都係好事咁話。