農地違規搭屋 地署懶理
「呢度本身係農地，無啦啦有人嚟搭屋，都唔知係咪犯法？」家住元朗新譚路壆圍的李先生指出，村內有農地自數月前起已不斷有人將圍板及鋼鐵支架等預製組件運抵裝嵌，懷疑違規搭建組合屋。
市民曾多次投訴
李先生擔心組合屋最終或被間成劏房出租，會惹來大量閒雜人等入村影響治安。李曾多次向地政總署投訴，但違規情況一直未獲改善。
地政總署發言人證實，發現上址有未經批准的建築物，面積約六十一平方米，毗鄰的政府土地亦被放置建築材料，佔用面積約二十四平方米。
發言人強調，由於建築物違反地契條款，已向業權人發出警告信要求於限期前糾正，亦已就佔用官地一事張貼通告，要求佔用人將建材移走。屋宇署發言人亦證實上址有違規建物，已要求業主在限期內清拆。
不過，記者及後再到場視察，發現搭建組合屋工程仍進行得如火如荼，當日有自稱業權人士到現場視察進度，更對違規建屋一事直認不諱：「全港好多農地都係咁啦，塊地放喺度冇用，又申請唔到公屋，都係想搭間嘢住得舒服啲啫。」