大輝留心聽書抄筆記
袁國強連日落區宣傳政改，內容已經冇乜新意，但台下嘅大輝依然全神貫注聽書，除咗不時低頭筆錄重點，聽見袁國強引用《基本法》條文解釋特首普選細節時，仲自掏「私伙」《基本法》出來邊聽邊讀。袁國強總結發言時仲冧盡台下一眾「家己冷」，話潮州人佔香港人口六分之一，唔少傑出人士仲係潮州人添，但講到尾都係想呼籲潮人就政改表達意見啫。
不過，對於泛民主派推崇嘅公民提名方案，袁國強就講明諮詢期內都唔會評論個別方案，當堂令大輝大失所望，不滿袁國強唔肯講明方案係咪違反《基本法》。其實諗都諗到，政府講明做緊政改諮詢，又點會回應個別方案係咪違反《基本法》吖，呢個任務都係留畀建制派做啦！
卓妮