政情:公民講場:貪曾扣地六年阻港人上樓

凡事都有因果,好似依家樓價高企,房屋供不應求,呢個惡果就係「貪曾」前特首曾蔭權爵士在任時種落,皆因佢乜都唔做,淨掛住發展「高大空」嘅六大產業。我哋尋日提過一幅喺大埔丟空嘅土地,就係貪曾在任時發醫療產業嘅春秋大夢,計劃將有關土地改劃成私家醫院用地,但結果私院建唔成,土地白白丟空六年,依家先至話用番嚟建屋,令港人浪費六年光陰,大家買唔到樓或輪極都輪唔到公屋,某程度都係貪曾所累。

第一手消息請下載on.cc東網iPhone/iPad/Android/Windows Phone Apps