康文署嘥公帑 起完又拆
「個沙灘咁靚，點解無喇喇會喺正沙灘中間起間屋仔？」葉先生日前在淺水灣泳灘散步時，發現沙灘中央位置被圍封，內有建築物地基，懷疑康文署再度違規僭建，「早幾個月睇《東方》先講過康文署喺呢度僭建雜物倉，嗰頭先話拆，依家又嚟過？」
康樂及文化事務署發言人解釋，由於淺水灣泳灘面積廣闊，故須在泳灘中央設置工作站以存放拯救及急救裝備，並方便救生員監察，原有工作站已使用約二十年而需作重建，卻因未能物色合適供應商遂自行建造。不過，發言人又稱，經重新審視後，發現新工作站未必能有效配合泳灘運作，現已停止工程。
「嗰頭就靜靜雞自己起屋，呢頭收到投訴就話重新審視，仲即刻叫停工程，做嘢好似冇諗過咁，嘥晒啲公帑！」葉先生不滿康文署處事兒戲，浪費公帑。