各位讀者，各位觀眾，東方報業集團旗艦網站「on.cc東網」又有嶄新猛料！
東網內容豐富已經唔使多講啦，打造全球華人最強資訊網絕對唔係下巴輕輕，難能可貴嘅係東網唔會自滿，唔會放過任何進步嘅空間。今次嘅嶄新猛料勁揪咯，就係推出四個時事評論節目，大家可以透過東網手機App或者網頁隨時隨地收睇。四個時事評論節目每個都見解精闢，評者論者一針見血，好似由立法會議員黃毓民主持嘅《毓民踢爆》咁吖，以獨特角度剖析城中熱話，大膽揭露不為人知嘅幕後種種，是其是，非其非，觀眾肯定眼前一亮。你知啦，黃毓民出晒名快人快語，針砭時弊痛快淋漓，由佢舌燦蓮花開腔玩踢爆，大家想話唔過癮都難呀！
另一個精彩絕倫嘅評論節目《正反論壇》今日正式強勢登場，打響頭炮嘅兩位嘉賓，一位係社區組織協會幹事蔡耀昌，一位係反對濫用綜援大聯盟召集人李梓敬。蔡先生同李先生會針對乜嘢問題正正反反論一論呢？好明顯啦，蔡耀昌贊成終審法院裁定政府更改申請綜援居港年期，由一年增至七年係違憲，李梓敬就認為新移民來港一年可以申請綜援係破壞香港嘅社會福利政策。
呢一集《正反論壇》好值得期待㗎，事關正反雙方火花四濺，彼此爭辯得面紅耳熱，時不時都會出現各持己見嘅「疊聲」場面，觀眾可能睇到眼都唔眨。無論你係支持新移民應該得到一視同仁嘅綜援待遇，抑或覺得居港七年領綜援嘅遊戲規則先至合乎原則，東網推出嘅呢個《正反論壇》都可以令大家獲益良多。
大家要記住喎，東網電視為觀眾悉心安排，每日都有新內容嘅節目播放，與此同時每個節目都會喺網站保留幾日，觀眾可以隨時隨地收睇或者重溫，絕無限制o架。
至於另外兩個評論節目又係點嘅呢？《港是港非》深入淺出分析即日新聞，畀市民大眾掌握重大新聞嘅來龍去脈。《港事串燒》重點撮要過去幾日嘅新聞大事，揭示事件之間嘅關連同影響。上東網，知天下，呢六個字已經深入民心，家陣再加埋評論天下，簡直係如虎添翼啦。
功夫茶提提各位，為咗配合東網電視評論節目推出，「東網港澳」Android版App亦會同步推出更新版，喺東網電視頁面新增評論欄目，用戶只要按「東網港澳」App內嘅更新提示廣告就可以嘞，非常之咁簡便易用。至於iPhone嘅iOS用戶咯喎，因為蘋果審批緩慢，必須等候幾日先至可以更新，屆時用戶同樣只要按「東網港澳」App內嘅更新提示廣告就可以一睹為快。