探射燈：內地客豪情不再 鮑翅冧價七成

「依家少咗好多有錢客落嚟香港買海味，我哋淨係可以做番本地人生意！」信和海味顧問陳煥章指出，自從內地實施厲行節約後，香港的海味店無法再出貨到內地，導致貨品囤積，鮑參翅肚價格急瀉，跌幅由五成至六成七，「內地唔畀食，香港人又食唔到幾多，依家好多舖頭都吊晒鹽水！」他舉例說，去年同期售價九萬元一斤的四頭日本鮑，現時每斤僅三萬元，跌幅逾六成七。

遊客大減 生意跌兩成

油麻地盈興隆參茸海味負責人鄭先生透露，近期光顧的個人遊旅客大減，生意跌了兩成，相信與內地肅貪浪潮有關，「以前一個（內地）客起碼買十斤送禮，依家最多買一斤兩斤自用！」即使農曆新年黃金檔期來臨，他也未敢樂觀。

海參亦受內地肅貪浪浪潮影響而下調。

鮑魚價格不論是來自中東、南非抑或日本，一律全線下跌。

上環福林燕窩參茸行負責人賴小姐則稱，自去年起參茸海味價格持續下跌至五年前的水平，其中金山勾翅由去年同期每斤五千多元跌至現時一千八百元，牙揀翅由每斤一千五百元跌至五百元，「無論啲鮑翅嚟自日本、南非、中東，全部都跌價，而且愈名貴嘅海味跌幅愈大！」

受內地反貪措施影響，今年魚翅及鮑魚等高級食材，出現價量同跌情況。

各類海味價錢變動（註：價錢由多間海味店綜合所得）

菜館「貴客」不再奢侈

富東粵菜老闆、鮑魚專家林永春稱，內地去年中開始鼓勵節約風，食鮑魚人數大減六至七成，至今未見回升，食材價格難逃下跌命運。「但係依家內地人轉食人參同花膠，因為感覺冇魚翅同鮑魚咁奢侈！」其中日本關東遼參每斤七千元，雖然價格下跌五成，但銷情上升百分之十；每斤一萬六千元的四頭巴基斯坦花膠，銷量亦比去年同期上升百分之十五。

市民心聲 賴小姐（學生）：海味價格平咗固然好，因為可以有更加多選擇。

陳小姐（文員）：屋企平時有買海味嚟煲湯用，減價梗係開心。

面對海味價格及銷量持續下跌，業界表示暫時仍看不見曙光。「依家開舖嘅每個月都係勉強維到皮，靠以前賺落嚟嘅錢頂住先，但係業主一加租就玩完！」有業內人士透露，遠近馳名的上環「海味街」，已有海味舖由月租八萬元被加至十三萬元，終捱不住結業。「做海味呢行，好肯定有排都唔會見到起色！」

專案組、兩岸組