「晴晴」自殺 友痛心：做咩咁傻
【本報訊】「其實……只希望生活得快快樂樂，難道這樣都有錯？」在筲箕灣住所跳樓死亡的十三歲女生「晴晴」，去年六月曾在facebook上留言，談及其對快樂的渴求，一個月前，她曾上載一張「翹實」男生手臂的親密合照，相片顯示她流露幸福的笑容，正讓人以為她生活得如意時，前日卻傳來其死訊，朋友及同學均對其尋死感到痛心，紛紛在社交網悼念。有師妹傷心責罵「你做咩咁傻」，質問她「為咗感情，為咗學業而結束自己嘅生命，值得咩！」另有人將社交網頭像變黑以示悼念。
形象陽光 得人喜愛
因情困及學業成績轉差而結束寶貴生命的黎家晴「晴晴」，洋名Rachel，在北角一間男女中學讀中二，她樣貌清純及精靈，經常保持燦爛笑容，甚得同學及朋友喜愛。
有人質問「晴晴」：「你點解要揀呢條路，以前充滿笑容的快樂天使去咗邊？」有其師妹則指：「我始終不相信走了那個是你，我想喊！」又質問師姐：「我好傷心你做咩咁傻……我唔知天堂係唔係一個開心嘅地方，我靜（淨）係知你好唔開心，有試過打比（落）facebook訴苦，但你都仲睇唔開！」
另有友人則稱，「有咩事唔可以解決呀？你做乜要用呢個方法，咁傻一生都沒有了，唔值得咁做……我諗你依家應該好後悔當初嘅選擇。」昨午十二時許，黎的父母及親友到其墮樓平台拜祭，廿分鐘後各人才傷心離去。