公民講場：冇得撈監警會 鄭經翰演鬧劇？

本港劇團「好戲量」六位成員上周三喺尖沙咀碼頭街頭表演期間被警方以阻街同行為不檢為由帶返警署，佢哋尋日就去尖沙咀警署投訴當日處理個案嘅警員對佢哋出言侮辱同毆打，仲沒收埋佢哋啲手機同平板電腦。但奇怪嘅係，今日先卸任獨立監察警方處理投訴委員會（監警會）委員一職嘅鄭經翰，竟然帶埋律師陪佢哋去警署投訴，仲話自己冇任何角色衝突添。鄭經翰早排先因為不獲續任監警會而喺度嘈喧巴閉，難怪有人質疑佢係冇得撈先喺度做番場大戲，特登搞到監警會同政府尷尬。