Party Life：潮聖派對

聖誕派對浪接浪，但要數最出位嘅，相信係一班潮州青年才俊搞嘅燒烤聖誕派對。略嫌食火雞太普通，不如來一客自家製潮州韭菜粿，潮式風味十足。潮州青委又大唱潮語Rap歌，「潮」聲「潮」氣，不醉無歸。

好事成雙，保良局前主席呂鈞堯添一對孖女，雙倍喜悅，日前喺灣仔君悅酒店大搞百日宴，主人家呼籲親友將賀禮捐作慈善用途，愛心滿瀉。

潮商青委副主任林月萍即場Rap番首潮語童謠，節拍感十足。	潮商青委副主任陳志強（左）即場烹調蘇格蘭酒，以紅酒加入香橙煲熱，酒香四溢，名譽參事張俊勇（右）大讚好得。	潮商會董張詩培（左）及ATC EnergyTech執董賴偉星（右）都係潮人生力軍。
百日宴保良局前主席呂鈞堯（右二）與太太安美英（右一）稍後將喺韓國再擺百日宴，日前先來個西式Party，爸爸呂錦泰（左一）及媽媽呂陳慧貞（左二）開心笑唔停。（胡家豪攝）	保良局前主席李張慧美（右）同前總理千金李慧敏（左）在百日宴上重遇多位舊朋友，分外親切。	保良局總理黃偉傑夫婦（左一及二）、總理吳帶基夫婦（右一及二）齊恭賀一對孖女健康成長。