壞磁帶票閘機 港鐵客鬧爆
馮小姐日前於早上繁忙時間在港鐵南昌站使用單程磁帶車票入閘，發現只有兩部入閘機接受磁帶車票，因其中一部停用，另一部則大排長龍。「壞咗一部，就得番一部機可以入到磁帶車飛，朝早個個都趕時間，真係好忟！」
港鐵發言人指出，南昌站共有十六部入閘機，A出口大堂目前共有八部，當中兩部接受磁帶車票，而C及D出入口亦有八部入閘機，當中兩部接受磁帶車票。發言人強調，目前的安排可應付乘客需要，又指根據紀錄，入閘機近期運作大致良好。
「賣得磁帶飛畀人，就應該提供番合理嘅服務，一個入口得兩部機只係僅僅夠，仲要有一部成日壞，好唔方便！」馮小姐要求港鐵徹查磁帶車票入閘機停用原因，並加強保養及維修，避免同類事件再次發生。