有傳政府明年將捲土重來，就擴建堆填區建議再提交立法會，又會申請撥款興建焚化爐，唔知政府提出嘅補償措施能否爭取議員支持呢？立法會議員葛珮帆（EQ）尋日就要求政府要做足七項措施，先至考慮係咪支持建議，仲要缺一不可添。當中包括改裝現行嘅無蓋垃圾車、喺將軍澳安裝閉路電視、空氣及臭味監測系統及承諾今次係最後一次擴建堆填區等等。咁多條件，似足泛民主派就政改提出嘅公民提名方案，要政府支持，簡直係不可能嘅任務，不如投反對票更加直接啦！
