政情:公民講場:挑「機」跌低 羅康瑞扮優雅

機場管理局尋日召開董事會討論備受爭議嘅機場島北商業區用地發展,一如預料,主張將逾十一公頃土地用作興建商業城嘅機管局董事羅康瑞徹底敗北,而支持預留地底空間興建車廠嘅機管局主席張建東一派則獲得全勝。原本係下一屆機管局主席熱門人選嘅羅康瑞,呢鋪真係輸晒!不過,話晒羅康瑞見慣世面,會後見記者時表現好大體,話會支持管理層預留車廠計劃,以大局為重喎!呢個畫面似唔似體操選手,落地時失手跌到冇晒儀態,仲要扮好優雅咁起身?