啱啱做咗全國港澳研究會副會長嘅前中央政策組首席顧問劉兆佳（佳叔），尋日被記者問到點睇官員被掟雞蛋及社會深層次矛盾嘅問題時，佢就話呢啲源於回歸以來一直累積嘅問題，市民對經濟前景無望，所以無論有冇政改，政治氣氛都會愈嚟愈激烈。佢建議政府首先要推動一啲可獲社會較大共識嘅政策，令人覺得無論由邊個去做特首，大家都有份參與管治工作喎。其實佳叔話晒都做過兩屆政府嘅中策組首席顧問，如果呢啲方法係使得嘅，就唔會累積咁多問題啦，呢啲咪係講就天下無敵，做就有心無力囉。
