質詢報案中心座椅價錢
陳家強解釋，999報案中心需要廿四小時運作，加上規格同一般辦公室規格有別，職員要同時間兼顧超過一台電腦，所以要購入相對穩固耐用嘅座椅。佢話，報案中心購入二百四十張座椅，平均價格為四千三百元，而入境處十二個管制站共有六百張座椅，每張座椅不高於一千元，強調有關部門採購時要按照實際需要之餘，亦都要物有所值、符合程序及指引。
睇番紀錄，立法會中環舊大樓臨搬遷前都換過一次櫈，搬到金鐘新大樓後又換一次，每張櫈最少都要幾千元，仲要一星期只係坐一、兩日，點解啲議員自己坐緊幾千元一張櫈就唔覺有問題呢？公道啲講，議員同政府都係按實際需要去運用公帑，唔通議員真係覺得自己尊貴啲嘅？