政情:公民講場:詩姐 珠姐 扑低學民白鴿

泛民主派最近主張特首普選提名「三軌制」,其中兩軌係公民提名和政黨提名,但不消一會就被《基本法》委員會副主任梁愛詩(詩姐)同《基本法》委員會委員譚惠珠(珠姐)「扑低」,詩者明確表示公民提名不符合《基本法》,冇討論嘅必要,而珠者則引用《基本法》起草時嘅資料,話當時無人提過公民提名,又話提名委員會由四個界別組成,並不包括公民提名和政黨提名。詩姐同珠姐「快狠準」扑低學民思潮同白鴿黨提嘅建議,泛民要搶返主導權睇怕唔容易!