政情:無懼禽流 名人照食雞

禽流感恐慌再現,H7N9攻陷深圳活家禽,香港應否「禁雞」,成為全城熱話。但食雞始終係港人「飛佛」,城中一班名人都撐「雞照食」,仲係唔捨得唔食雞。

愛沙尼亞駐港名譽領事林建康太太黃寧艷最重視家人健康,佢尋日現身馬場,傾起食雞,佢話買雞時只揀香港農場培育、生產,有晒衞生檢疫嘅健康雞。打激素谷肥嘅大雞,一定唔買。雖然疫情喺內地升溫,但係林太話,現階段無諗過停食雞,只叮囑傭人煮雞時煮熟啲。

太子珠寶鐘錶執董鄧宣宏雁都係精明主婦,佢話,雞一樣照食,但提醒傭人去街市買雞時,要揀有信譽的舖頭,又寧願貴一點,柯打喺優質農場飼養嘅雞隻。經歷全港殺雞一役,香港人自有一套「禁雞指標」,覺得唔多妥時,自然封口唔食。恒隆集團董事總經理陳南祿都話未驚過,拍晒心口話照吃雞。

第一手消息請下載on.cc東網iPhone/iPad/Android/Windows Phone Apps