議員冷漠 兩個鐘玩完
不過，班議員要講嘅都喺星期三發叔個動議上講晒，所以最後只得七名議員發言，動議喺兩小時內極速被否決，連胡志偉都自嘲快到破晒立法會紀錄。
其實胡志偉提出呢個動議，好明顯係向發叔同班鄉紳挑機，點知發叔眼尾都唔望吓，連現身都費事，明落胡志偉面。胡志偉話，諗住大家傾完發叔嘅動議後會對「不包括土地」定義多啲了解同討論，點知變咗冇人發言。由於議員開大會可由秘書處代訂午餐，但如要取消就要上午十一點半前通知，胡志偉個動議否決嗰陣距離通知時間仲有半個鐘，所以佢自己都講笑話：「搞到冇得食出名嘅燒鵝飯添！」