政情：賢慧新領導 愛飲白咖啡
咖啡令人提神，連匯集城中潮人嘅香港青年聯會賢慧社，當中亦有不少品味咖啡嘅同道中人，講緊就係剛接任賢慧社召集人嘅周沁（Dorothy）同總監楊鼎立（Derek），原來二人都不約而同鍾情白咖啡（Flat White），真係認真合拍。
邀老闆分享創業之道
賢慧社早前搵咗咖啡店老闆分享創業之道，賢慧社嘅新舊領導層，包括彭芷君、羅詠詩、Dorothy等撐場，期間齊齊分享至愛飲邊種咖啡，其中Dorothy自言特別鍾意飲咖啡味重同無咁甜嘅咖啡。
已故全國政協副主席安子介外孫Derek對品味咖啡認識更深，所以講解時特別頭頭是道。佢透露自細已開始飲咖啡，而且針對不同時間會飲不同咖啡，如果係起身想提神，Derek就會飲美國咖啡，即由意式濃縮咖啡加入熱水製作而成，倘若下午想飲咖啡，就會同Dorothy一樣鍾情白咖啡。青聯連同菁英會及華菁會本周五首次合辦聖誕派對共度佳節，相信少不免會傾吓明年合作大計，唔知度橋時會否順道傾吓「咖啡經」呢？