街燈罩傾側 隨時傷途人
街燈燈罩傾側，途人隨時「中頭獎」！上環街坊李先生早前途經永樂街時，發現一支街燈的燈罩傾斜，擔心隨時墮下危機，「都唔知盞燈係咪有零件鬆咗，陣間跌咗落嚟揼中人，真係唔死都重傷！」李要求當局盡快派員維修，以免釀成意外。
「唔止失禮 仲好危險」
路政署發言人證實，接獲本報轉介後派員實地查察，發現上述路燈燈罩傾側，遂指示承建商即時進行維修，並於同日完成，路燈現已回復正常運作。
「話晒呢帶都係遊客區，啲嘢歪歪斜斜唔止失禮，仲好危險，政府要多啲派人落區巡先得！」李先生證實，經本報轉介後，問題街燈燈罩已維修妥當。