政情:公民講場:怕被「問候」 象哥避煲煙

早兩日有大批撐港視示威者雲集立法會大樓外向建制派議員施壓,要求佢哋投票支持引用特權法調查免費電視發牌事件,其中進出口界議員黃定光(象哥)周三下午如常過立會對面嘅中信大廈地下煲煙時,慘被示威者爆粗問候佢娘親,搞到象哥之後一兩日都唔敢再咁做,以免再有親人被「問候」。依家整個政府總部同立法會大樓都係禁煙區,象哥咁大煙癮,可以去邊度解決呢?莫非要去社民連立法會議員「長毛」梁國雄嘅辦公室一齊「打邊爐」?