政情:今日你上鏡:嚴重光出「蕉」避談佔中勾台獨

最近「佔領中環」(佔中)發起人赴台會見擅於搞群眾運動嘅民進黨前主席施明德,結果被批評勾結台獨勢力介入香港事務。尋日台北經濟文化辦事處處長嚴重光出席台灣冬季水果推介會時,被問到點睇佔中行動,佢只係話了解佔中發起人嘅訴求,尊重香港民意。咁又點睇台灣人以言論或行動聲援佔中?佢神態自若話,港人去台灣見咗乜嘢人,佢冇任何意見喎。講咗等於冇講,大家明唔明呢?不過,嚴重光推介台灣冬季水果就相當落力,仲笑笑口拎起梳蕉影相,真係啱晒鍾意掟蕉嘅立法會議員。

第一手消息請下載on.cc東網iPhone/iPad/Android/Windows Phone Apps