政情：公民講場：「拉布」雷大雨小 陳家洛（火羅）爆

城規會近日就中環海濱改建軍用碼頭舉行公聽會，身兼中環海濱關注組成員嘅立法會議員陳家洛就揚言會去「拉布」，關注組仲話動員逾千人去公聽會發言添，搞到城規會要安排多場公聽會讓公眾發表意見。點知前日首場公聽會得幾個反對人士現身，陳家洛又話不滿只得十分鐘發言而拉隊離場，搞到「拉布」變「腰斬」。到尋日舉行第二日公聽會，陳家洛同關注組成員都唔見影，只得兩個普通市民發表意見，並同班委員交流，原本估計有五十人發言、開足全日嘅公聽會，最後開咗兩個鐘左右就結束，陳家洛真係雷聲大、雨點小。