政情：楊政龍啟動朝陽投資計劃
英皇集團企業行政主任楊政龍（Alex）尋日喺北京出席第十七屆「北京．香港經濟合作研討洽談會」，就集團旗下英皇集團（國際）於北京市朝陽區興建嘅甲級商業大樓「英皇集團中心」，同朝陽區政府進行簽約儀式，象徵雙方正式啟動有關投資計畫。
建英皇集團中國總部
「英皇集團中心」位於北京核心商業區長安街延線，樓高二十五層，另有五層地庫，包括高層寫字樓及底層商場，總建築面積約十萬平方米，預期二○一五年底竣工，落成後將成為集團嘅中國總部。尋日與Alex共同出席簽約儀式嘅包括朝陽區副區長苑文新等人。
Alex話，朝陽區政府高度重視招商引資工作，並擁有良好經濟社會發展勢頭及優越區位優勢，令集團充滿信心。佢強調集團十分睇好內地長期嘅經濟環境，今後將繼續加大投資力度，進一步喺內地打造英皇集團嘅品牌，佢又特別感謝朝陽區各部門領導一直給予寶貴意見與幫助。